Bajaj Finance Ltd. ne Tuesday ko ek bada announcement kiya hai jisse unke 70 lakh se zyada shareholders ko fayda hone wala hai. Company ne decide kiya hai ki wo apne ek share ko do parts mein divide karegi (stock split) aur saath hi 4:1 ratio mein bonus shares bhi degi
Kya hota hai Stock Split?
Bajaj Finance ek stock split karegi jismein har ek fully paid-up equity share jiska face value Rs 2 hai, usse do shares mein divide kiya jayega. Yani ab har share ka face value Re 1 ho jayega.
Bonus Shares ka Funda kya hai
Iske saath hi company ne ek aur khushi ki baat ki hai – har 1 share ke badle 4 bonus shares diye jayenge. Yani agar aapke paas 1 share hai, toh aapko uske badle total 5 shares (1 original + 4 bonus) milenge.
Dividend bhi Milega
Company ne FY 2024-25 ke liye Rs 56 per share ka dividend bhi announce kiya hai. Is dividend mein:
✅Rs 12 special interim dividend hai jo Bajaj Housing Finance Ltd. ke IPO se aaye fayde se diya ja raha hai.
✅Aur Rs 44 final dividend hai jo regular profit se diya gaya hai.
Total Dividend Payment:
Company shareholders ko total Rs 3,480 crore ka dividend degi. Ismein 6.7 lakh retail investors bhi shamil hain jinke paas nominal share capital Rs 2 lakh tak ka hai aur wo company ke total equity ka 6% hold karte hain.
Market Reaction
Bajaj Finance ka share price Tuesday ko 0.13% badhkar Rs 9,105 pe band hua, jabki Sensex mein 0.09% ki badhat dekhi gayi. Pichhle 12 mahino mein Bajaj Finance ka stock 33% tak chuka hai aur year-to-date basis pe 31% ka return diya hai
Analysts Ka View kya hai
Bloomberg ke data ke hisaab se, 38 analysts mein se:
✅ 28 ka kehna hai “Buy”
✅ 5 recommend karte hain “Hold”
✅ 5 ka kehna hai “Sell”
Summary
Agar aapke paas Bajaj Finance ke shares hain, toh yeh announcement aapke liye kaafi positive hai. Aapko stock split ka benefit, 4:1 bonus shares, aur Rs 56 per share dividend milne wala hai. Yeh sab steps shareholder value ko badhane ke liye bahut hi badhiya hain.
Aapko kya lagta hai? Kya yeh samay Bajaj Finance mein invest karne ka sahi time hai?